सहिदभूमि गाउँपालिकाका कृषकलाई ५० प्रतिशत अनुदानमा १३ थान मिनीटिलर वितरण
धनकुटा । सहिदभूमि गाउँपालिका धनकुटाले ५० प्रतिशत अनुदानमा कृषकलाई १३ थान खेतवारि जोत्न प्रयोग हुने मिनीटिलर वितरण गरेकाे छ ।
पालिकाले कृषि कार्यलाई सहज बनाउन कृषि सहकारी, कृषक समूह र कृषि फार्ममा आबद्ध किसानलाई मिनिटिलर वितरण गरेको हाे ।
कृषि सहकारी, समूह र फार्ममा आबद्ध किसानलाई सेभेन हर्ष पावरकाे डिजेल ईन्जिन बाट चल्ने मिनिटिलर वितरण गरेको पालिकाकाे कृषि शाखा प्रमुख दिनेन्द्र राईले जानकारी दिनुभयो ।
उक्त मिनिटिलर वितरण कार्यक्रममा गाउँपालिका अध्यक्ष मनाेज राई ,उपाध्यक्ष रत्नश्वरी राई , प्रशासकीय प्रमुख नवीन कार्की ,वडाअध्यक्ष तथा आर्थिक विकास समिति सदस्य हेमकुमार राई , लेखा शाखा प्रमुख नितेस कुमार यादव लगायतले कृषकलाई मिनिटिलर प्रदान गर्नुभएको थियो ।
पालिकाको चालु आवमा सञ्चालित अनुदान कार्यक्रम अन्तरगत टमाटर खुर्सानीकाेबीउ , विषादी स्प्रे , लगायतका उपकरण तथा सामाग्री किसानलाई ५० प्रतिशत अनुदानमा वितरण गरिरहेकाे पालिकाले जनाएको छ । यस्तै गरि पालिकाले उन्नत जातका २५ कृषि समूह ,सहकारी ,फर्मलाई ६ सय ४५ प्याकेट टमाटरका बीउ वितरण गरिएको पालिकाकाे कृषि शाखाले जानकारी दिएको छ । उन्नत जातका खुर्सानीकाे बीउ ५० प्रतिशत अनुदानमा कृषि समूह , सहकारी ,फर्मलाई ६ सय १० प्याकेट वितरण गरिएको पालिकाले जनाएको छ ।
यस्तै ५० प्रतिशत अनुदानमा २५ वटा कृषि सहकारी ,समूह ,फर्मलाई ३२ थान विषादी स्प्रे विघुतिय चार्ज स्पीयर वितरण गरिरहेको पालिकाकाे कृषि शाखा प्रमुख राईले जानकारी दिनुभयो । पालिकाकाे मुख्य पेशा कृषि भएकाले कृषिमा आधुनिक यान्त्रिकिकरण गरि उत्पादनमा वृद्धि, समयको सदुपयोग र छिटो छरितो कामका गर्न तथा कृषि क्षेत्रकाे समस्या समाधानका लागि पालिकाले काम गरिरहेकाे जनाएको छ ।
