धनकुटामा शुरु भयो एक बर्षे सिप हस्तान्तरण कार्यक्रम
धनकुटा ११,फागुन । बिभिन्न जाति तथा समुदायहरुको लोपउन्मूख गरगहना र भेषभूसाहरुको सरक्षण गर्न धनकुटाको हाम्रो बहुमुखी पठशाला संस्थाले नयाँ पुस्तालाई एक बर्षे शिप हस्तान्तरण प्रशिक्षण कार्यक्रम शुरु गरेको छ ।
पाठशालाले आज तालिमको उत्घाटन कार्यक्रम गरेर प्रत्येक १५ दिनमा एक पटक,फरक जाति तथा समुदायमा आधारित गरगहना र भेषभूसा बनाउने प्रशिक्षण दिईने जानकारी दिएको छ ।
तालिमको शुरुवातमा संस्थाले धनकुटा नगरपालिकाका आठ वटा नीजि तथा सामुदायिक बिद्यालयका बिद्यार्थीहरुलाई स्थानीय आठपहरिया जातिले लगाउने ‘राङ्छी’ भनिने कम्पनी पैसाको हारी माला बनाउने तालिम दिएको छ ।
तालिमको धनकुटा नगरपालिकाका मेयर चिन्तन तामाङ र घरेलु तथा साना उद्योग कार्यालयका प्रमुख ईश्वर थापाले उत्घाटन गर्नुभएको थियो ।
तालिमले स्थानीय आठपहरीया जातिको लोप भएर जानलागेको गरगहनाहरुको जर्गेना गर्न र यसको महत्व प्रति जागरण ल्यान सहयोग पुग्ने संस्थाका अध्यक्ष सरोज भुजेलले जानकारी दिनुभयो ।
स्थानीय घरेलू उद्योग मोहन बिष्कुट र श्री दुग्ध उपादक सहकारीको सहयोगमा भएको उक्त एक दिने तालिममा २४ जना बिद्यार्थी सहित अभिभावकहरुको सहभागिता रहेको भुजेलले जानकारी दिनुभयो ।
साठी,८० वा एक सय वटा कम्पनी पैसाबाट धागो संग बुनेर बनाईने हारिमाला बनाउने तालिम, प्रशिक्षक चन्द्रकुमारी आठपहरियाले दिनुभएको छ ।
बिभिन्न संघ÷संस्थाहरुको सहकार्यमा फरक जात तथा समुदायमा आधारित रहेर बिद्यार्थी र अभिभावकहरुलाइ दिईने यो तालिम एक बर्ष सम्म जारी रहने शिपमूलक तालिम बिभागका सयोजक शोभा श्रेष्ठले जानकारी दिनुभयो ।
बि.सं.२०७४ सालमा स्थापित यस संस्थाले गीत,संगित तथा लोपउन्मूख रहेका परम्परागत शिप र कलाहको प्रशिक्षण दिंदै आएको संस्थाका ब्यबस्थापक सोभित श्रेष्ठले जानकारी दिनुभयो ।
