पाख्रीबास ९ उत्तरपानीमा १ महिने सुइटर बुन्ने तालिम सुरु
धनकुटा । गरिबी निवारणका लागि लघुउद्यम विकाश कार्यक्रम (मेडपा)अन्तर्गत पाख्रीबास नगरपालिका वडा नं ९ उत्तरपानीमा १ महिने सुइटर बुन्ने तालिम सुरु भएको छ ।
हाते हाेजियारी सम्बन्धि आधारभुत सिपविकास तालिम अन्तरगत वडा नं ९ उत्तरपानीमा साेमबार देखि १ महिने सुइटर बुन्ने तालिम सुरु भएको कार्यवाहक वडाअध्यक्ष पहलमान घिसिङले जानकारी दिनुभएको छ ।
उक्त तालिममा वडाका १३ जना महिलाको सहभागीता रहेको छ । तालिममा सहभागी महीलाहरुलाइ मेडपाका प्रशिक्षकले तालिमको सहजीकरण गरिरहेकाे छ ।
तालिम उदघाट्न कार्यक्रममा कार्यवाहक वडा अध्यक्ष पहलमान घिसिङ , वडा सदस्य मदन आले ,वडा सचिव अनिल तिम्सिना लगायतको उपस्थितिमा सम्पन्न भएको थियोे ।
त्यसै गरि चैत १५ गते देखि थप डल र कुसन बुन्ने तालिम सञ्चालन गरिने कार्यवाहक वडा अध्यक्ष घिसिङले बताउनुभयो । महिलाको सिप विकास गर्न तालिम दिदै घरैमा स्वरोजगार बनाउने उदेश्यले तालिम सञ्चालन गरेको वडाले जनाएको छ ।
