धनकुटाको महालक्ष्मीमा सम्पन्न तेस्रो अन्तर पालिका कर्मचारी स्तरीय फुटबल प्रतियोगिताको उपाधि छथर जोरपाटी गाँउपालिकालाई
धनकुटा । धनकुटाको महालक्ष्मी नगरपालिकामा सम्पन्न भएको तेस्रो अन्तर पालिका कर्मचारी स्तरीय फुटबल प्रतियोयिताको उपाधि छथर जोरपाटी गाँउपालिकाले जितेको छ ।
फाइनल खेलमा पाख्रिवास नगरपालिकालाई दुई सुन्य गोल अन्तरले पराजीत गदै उपाधि उचालेको हो । उपाधि सगै बिजेता टोलिले नगद ६० हजार रुपैया हात परेको छ । उपबिजेता पाख्रिवासले भने ४० हजारमा चित्त बुझाएको छ ।
महालक्ष्मी नगरपालिकाको आयोजनामा भएको सो प्रतियोगितामा धनकुटाका सात पालिका मध्ये ५ पालिकाको सहभागिता भएको प्रतियोगिताको संयोजक गौरब कार्कीले जानकारी दिनुभयो । खेलकुदका गतिबिधिमा उत्साह ल्याउन प्रतियोगिता आयोजना गरेको महालक्ष्मी नगरपालिकाका मेयर ध्रुब राज रायले जानकारी दिनुभयो ।
धनकुटामा प्रत्येक बर्ष यो प्रतियोगिता हुंदै आएको छ । आगामी बर्षको प्रगियोगिता आयोजना धनकुटा नगरपालिकाले गर्ने सहमति समेत भएको छ ।
