आय आर्जनका लागि महिलाहरुलाई शिपमुलक अचार बनाउने तालिम
धनकुटा । धनकुटा नगरपालिका ६ नं वडा कार्यालयको समन्वयमा घरेलु तथा साना उद्योग कार्यालय धनकुटाले महिलाहरुका लागि संचाालन गरेको सात दिने शिप मुलुक अचार बनाउने आज सम्पन्न भएकाे छ ।
महिला दिदि वहिनीहरुलाई आत्मनिर्भर बनाउने उदेश्यले संचालन गरेको तालिम समापन कार्यक्रममा धनकुटा उद्योग बाणिज्य संघका अध्यक्ष विजय सन्तोषी राई,वडा नं. ६ का वडाध्यक्ष मिलन खड्गी,घरेलु तथा साना उद्योग कार्यालयका प्रमुख ईश्वर थापा,घरेलु तथा साना उद्योग महासंघ धनकुटाका अध्यक्ष राजेश्वर वहादुर श्रेष्ठ,प्रशिक्षक सकुन्तला प्याकुरेल,वडा नं. ६ का निर्वाचित वडा सदस्यहरु पुरुसोत्तम अर्याल,कुसम जोशी श्रेष्ठ ले सहभागीहरुलाई प्रमाण पत्र वितरण गरेका थिए ।
सो अवसरमा उनिहरुले तालिमका सिकेका शिपलाई व्यवहारमा उत्तारी आय आर्जनमा लगाउनु पर्नेमा जोड दिदै शिप बिनाको मानिस अधुरो र अपुरो हुने वताएका छन् ।
घरेलु कार्यालय धनकुटाका कर्मचारी विकास कार्की संचालन गर्नु भएको कार्यक्रमा प्रशिक्षक प्याकुरेललाई मायाको चिनो प्रदान गरिएको थियो भने घरेलु कार्यालय धनकुटाका प्रमुख थापा र वडाध्यक्ष खड्गीले प्रशिक्षकलाई प्रमाण पत्र प्रदान गर्नु भएको थियो । शिप मुलुक अचार बनाउने तालिमका जम्मा ३२ जना सहभागीहरुले आफुहरु अव व्यावसायिक बन्ने बताएका छन् ।
