दोस्रो कोप्चे उत्सव सम्पन्न
धनकुटा,२ बैशाख । नयाँ बर्ष २०८१ को अवसर पारेर धनकुटाको कोप्चेमा दोस्रो कोप्चे उत्सव सम्पन्न भएको छ ।
धनकुटा नगरपालिका–५ स्थित तल्लो कोप्चे र माथ्लो कोप्चे क्षेत्रको चहलपहल बढाउँन र यहाँको पहिचान बारे जानकारी दिन लक्ष्यका साथ चैत ३० गते बाट सुरु भएको कोप्चे उत्सव आइतबार सम्पन्न भएको हो ।
पछिल्लो समय ओझेलमा रहेको कोप्चेको पुन जागरण गर्न कोप्चे उत्सव आयोजना गरिएको आयोजक संस्था सामाजिक विकासका लागि यूवाहरुको प्रयास धनकुटाका अध्यक्ष रिजन पोख्रेलले जानकारी दिए ।
उत्सवमा स्थानीय नेवार र आठपहरियाको मौलिक खाना परिवार सहितका विभिन्न पुराना बस्तु तथा पहिरनको समेत स्टल रहेका थिए ।
