सत्रौं रामनवमी कप पुरुष भलिबल प्रतियोगिताको उपाधि भोजपुरको षडानन्द नगरपालिकालाई
धनकुटा । भोजपूरको षडानन्द नगरपालिकाले धनकुटाको हिलेमा हिले भलिबल क्लबको आयोजनामा जारी सत्रौं रामनवमी कप पुरुष भलिबल प्रतियोगिताको उपाधि उचालेको छ । आज बुधबार भएको फाइनल खेलमा षडानन्द भोजपूरले दमकलाई स्टेट ०–३ ले हराएको छ ।
षडानन्द २५–२३, २५–१८, २५–१६, को स्टेटमा जित निकालेको हो । उपाधिसँगै सडानन्द भोजपूरले एक लाख ५० हजार नगद ट्रफीमेडल प्रमाण पत्र पुरस्कार पायो । उपविजेता दमकले ७५ हजार नगद सहित ट्रफी मेडल प्रमाणपत्र पायो ।
भलिबल प्रतियोगितामा कोशी प्रदेशका विभिन्न आठ वटा पालिकाको सहभागिता रहेको हिले भलिबल क्लबका अध्यक्ष सञ्जीव तामाङले जानकारी दिनुभयो ।
भलिबल प्रतियोगिता समापन कार्यक्रमका प्रमुख अतिथि धनकुटा नगरपालिका प्रमुख चिन्तन तामाङ , विशेष अतिथिहरु पाख्रिबास नगरपालिका प्रमुख ज्ञान बहादुर गुरुङ, सहिदभूमि गाँउपालिका अध्यक्ष मनोज राई , अतिथि जिल्ला खेलकुद विकास समिति अध्यक्ष मनोज राई, हिलेबजार व्यवस्थापन समिति अध्यक्ष लालचन्द्र गोङवाले खलका पुरस्कार प्रदान गर्नु भएको थियो ।
