पाख्रीवासमा सञ्चालनमा आयो दुनाटपरी बनाउने मेशिन
धनकुटा । धनकुटाको पाख्रीवास नगरापलिका वडा नं ८ बैकुण्ठेका महिलाहरुलाई वडाले प्रदान गरेको दुनाटपरी बनाउने मेशिन सञ्चालनमा ल्याईएको छ ।
आर्थिक वर्ष २०७९/८० मा वडा कार्यलयबाट विनियोजित २ लाख ५० हजार बजेट मार्फत मेशिन खरिद गरि महिला दिदीवहिनीहरुलाई वितरण गरिएको थियो । मेशिन खरिदका लागि पहिलो पटक २ लाख मात्र विनियोजन गरिएकोमा दुनाटपरी बनाउने मुख्य भाग सानो हुनेभएपछि फेरी पछि ५० हजार थप गरिएको वडाले जनाएको छ । सो मेशिनबाट यही वैशाख ७ गतेदेखी दुना टपरी बनाउन थालिएको वडाध्यक्ष गजेन्द्र राईले जानकारी दिनुभयो ।
महिला सीप बिकास तथा आर्थिक बिकास महिला लक्षित कार्यक्रम अन्तरगत महिला दिदीवहिनीहरुको सीपलाई स्वरोजगारमुखी बनाउदै उत्पादन र आयआर्जन सँग जोड्ने लक्षका साथ मेशिन वितरण गरिएको हो ।
यसले महिला दिदीवहिनीहरुको सीपलाई आय आर्जनसँग जोड्ने,जंगलमा त्यतिकै खेर जाने सखुवा (साल) को पातको उपयोगिता बढ्ने अपेक्षा छ । मेशिन २०८० जेठमा वितरण गरिएको थियो ।
