अपडेट : खाना पकाउने क्रममा सल्केको आगोबाट पाख्रीबासको एक होटल जलेर पूर्ण नष्ट,करिब १० लाख बराबरको क्षति
धनकुटा । धनकुटाको पाख्रीबासमा आगलागी भएको छ ।
जिल्लाको पाख्रीबास नगरपालिका वडा नं ४,रिनटिन डांडामा अवस्थित साझा स्टाफ होटलमा आगलागी हुंदा होटल जलेर पुरा नष्ट भएको छ ।
आज बिहान खाना पकाउने क्रममा तेलबाट सल्केको आगोले होटल जलेर पूर्ण रुपमा नष्ट भएको हो ।
होटल जल्दा करिब १० लाख बराबरको क्षति भएको प्रारम्भिक अनुमान रहेको ४ नं वडाध्यक्ष सन्तोष मानन्धरले जानकारी दिनु भएको छ ।
आगो स्थानियवासी ,जनप्रतिनिधि,प्रहरी र धनकुटाबाट लगिएको दमकलको सहयोगमा नियन्त्रण गरिएको छ ।
