धनकुटा चौविसेका एक व्यक्ति मृत फेला
धनकुटा । धनकुटाको चौविसे गाउँपालिका वडा नं ८ चाईनेटारका एक व्यक्ति मृत फेला परेका छन् ।
बैशाख १५ गते खानेपानीको महसुल तिर्न जान्छु भनि घरबाट मौनाबुधुक तर्फ हिडेका वर्ष ४७ का अर्जुन चेम्जोङ सोही गाउँपालिकाको वडा नं ७ माथिल्लो गिद्दे स्थितको सार्वजनिक पाटीमा मृतवस्थामा फेला परेका हुन् ।
चेम्जोङ घर नफर्केपछि खोजतलास गर्ने क्रममा आईतवार बेलुकी पार्टीमा मृत फेला परेको प्रहरीले जनाएको छ ।
घटनाको खबर जानकारीमा आएपछि अस्थायी प्रहरी विट मौनाबुधुक र ईलाका प्रहरी कार्यलयबाट प्रहरी निरिक्षक उमेश राईको नेतृत्वमा खटिएको टोलि घट्ना स्थल पुगेर कानुनी प्रक्रिया पूरा गरि शव पोष्टमार्टमका लागि विपी कोईराला स्वास्थ्य विज्ञान प्रतिष्ठान धरान पठाईएको छ ।
घट्नाको बारेमा थप अनुसन्धान भईरहेको जिल्ला प्रहरी कार्यलय धनकुटाले जनाएको छ ।
