पाख्रीबास नगरपालिकाका जनप्रतिनिधि र कर्मचारीले छोराछोरी सामुदायिक विद्यालयमा पढाउनु पर्ने
धनकुटा । धनकुटाको पाख्रीबास नगरपालिकाले नपाका जनप्रतिनिधिहरु, नपा तथा नपा अन्तर्गत कार्यरत कर्मचारीहरु, नपा अन्तर्गतका सामुदायिक विद्यालयका विद्यालय व्यवस्थापन समितिका पदाधिकारीहरु र नपा अन्तर्गतका सामुदायिक विद्यालयमा कार्यरत सम्पूर्ण शिक्षकहरु, कर्मचारीहरु तथा बालविकास सहजकर्ताहरुले आफ्ना बालबालिकाहरुलाई यस शैक्षिक सत्र २०८१ देखि सामुदायिक विद्यालयमा भर्ना गरी पठनपाठन गराउनुहुन अनुरोध गरेको छ ।
गत बैशाख १८ गतेको पाख्रीबास नगर कार्यपालिकाको बैठकबाट उक्त निर्णय भएको हुँदा सोही अनुसार गर्नु गराउनु हुन अनुरोध गरिएको प्रमुख प्रशासकीय अधिकृत खगेन्द्र सुवेदीद्वारा हस्ताक्षरित पत्रमा उल्लेख छ ।
हेर्नुहोस् सुचना
सामुदायिक विद्यालयमा बालबालिकहरुलाई पठनपाठन गराउने सम्बन्धमा ।
श्री पाख्रीबास नगरपालिकाका जनप्रतिनिधिहरु,
श्री पाख्रीबास नगरपालिका तथा नगरपालिका अन्तर्गत कार्यरत कर्मचारीहरु,
श्री पाख्रीबास नगरपालिका अन्तर्गतका सामुदायिक विद्यालयका विद्यालय व्यवस्थापन समितिका पदाधिकारीहरु, श्री पाख्रीबास नगरपालिका अन्तर्गतका सामुदायिक विद्यालयमा कार्यरत शिक्षक, कर्मचारी तथा बालविकास सहजकर्ताहरु,
प्रस्तुत विषयमा यस पाख्रीबास नगरपालिकाका जनप्रतिनिधिहरु, पाख्रीबास नगरपालिका तथा नगरपालिका अन्तर्गत कार्यरत कर्मचारीहरु, पाख्रीबास नगरपालिका अन्तर्गतका सामुदायिक विद्यालयका विद्यालय व्यवस्थापन समितिका पदाधिकारीहरु र पाख्रीबास नगरपालिका अन्तर्गतका सामुदायिक विद्यालयमा कार्यरत सम्पूर्ण शिक्षकहरु, कर्मचारीहरु तथा बालविकास सहजकर्ताहरुले आफ्ना बालबालिकाहरुलाई यस शैक्षिक सत्र २०८१ देखि सामुदायिक विद्यालयमा भर्ना गरी पठनपाठन गराउनुहुन अनुरोध गर्ने भनि मिति २०८१/०१/१८ गतेको पाख्रीबास नगर कार्यपालिकाको बैठकबाट निर्णय भएको हुँदा सोही अनुसार गर्नु गराउनु हुन अनुरोध गरिएको छ ।
