पाख्रिबास काव्य श्रृंखलामा भोलि कवि सुमन पोखरेल
धनकुटा । धनकुटाको पाख्रिबासमा कृयाशिल साहित्यिक संस्था पाख्रिबास कला साहित्य समाजको आयोजनामा भोलि(बैशाख २६) मा काव्य श्रृंखलाको आयोजना गरिएको छ ।
उक्त कार्यक्रममा कवि सुमन पोखरेलले कविता वाचन गर्नेछन् ।
कवि पोखरेल दुई पटक सार्क साहित्य पुरस्कार पाउने एक मात्र लेखक हुन् । उहाँले यो पुरस्कार इ.सं २०१३ र २०१५ मा प्राप्त गर्नु भएको हो ।
उहाँले शालुक अन्तर्राष्ट्रिय साहित्य पुरस्कार र एशिया प्रेरणादायक कवि पुरस्कार सहित धेरै अन्य राष्ट्रिय र अन्तर्राष्ट्रिय साहित्यिक पुरस्कार प्राप्त गरेका छन्।
कार्यक्रम ह्यांग आउट रिसोर्ट,पाख्रिबासमा सांझ ५ बजेबाट सुरु हुने आयोजकले जनाएको छ ।
