सामुदायिक रेडियोहरुको संस्थागत विकासका लागि आफु सधै लागि पर्ने : प्रदेश पूर्व अर्थराज्य मन्त्री तथा सांसद थापा
धनकुटा । कोशी प्रदेशका पूर्व अर्थराज्य मन्त्री ईन्दिरा थापाले सामुदायिक रेडियोहरुको संस्थागत विकासका लागि आफु सधै लागि पर्ने बताउनु भएको छ ।
सामुदायिक रेडियो प्रशारक संघ कोशी प्रदेशको आयोजनामा आजबाट धनकुटामा शूरु भएको सामुदायिक रेडियोकर्मीहरुको क्षमता विकास कार्यक्रममा बोल्दै उहाँले त्यस्तो बताउनु भएको हो । आफु मन्त्री रहदादेखी नै यो विषयमा लागि रहेको भन्दै माननियको रुपमा रहदा पनि यो प्रयास यथावत रहने उहाँको भनाई छ । उहाँले हिंसामा परेका तथा ओझेलमा परेका प्रतिभावान व्यक्तीहरुको आवजहरुलाई उजागर गर्दै न्यायको पहुचसम्म पुर्याउन सन्चारकर्मीहरुले पुलको काम गर्ने उल्लेख गर्नुभयो ।
सन्चारमाध्यममा आउने र ल्याईने विषय वस्तुहरु महत्वपूर्ण हुनुपर्ने वताउनु भयो । साथै उहाँले महिला पत्रकारहरुका क्षामता विकास र आर्थिक सहयोगका लागि आफु तयार रहेको बताउनुभयो ।
त्यसका लागि प्याकेजमा कार्यक्रम बनाएर लान उहाँले आग्रह समेत गर्नु भयो । उहाँले पत्रकार महासंघको भवन निर्माणका लागि यसै वर्ष देखी सहयोग गर्ने पनि प्रतिवद्धता जनउनुभयो ।
