धनकुटामा सुरु भयो किराँत राई सांस्कृतिक उत्सव
धनकुटा,२७ जेठ । धनकुटामा आजबाट बृहत् किराँत राई सांस्कृतिक उत्सव सुरु भएको छ ।
आदिवासी जनजातिको संस्कार संस्कृति र भेषभूषाको प्रर्दशन आर्थिक समृद्धिको लागि स्वच्छ पर्यावरण र पर्यटन भन्ने नाराका साथ आजबाट उत्सव सुरु भएको हो ।
उत्सवमा आदिवासी जनजातिको संस्कार,संस्कृति र भेषभूषाको प्रर्दशन तथा जातीय खानाको प्रर्दशन समेत गरिएको छ । आदिवासी जनजातिको संस्कार,संस्कृतिलाई सबैका माझमा देखाउन र उनिहरुको संस्कार,संस्कृति प्रचार-प्रसार गरि धनकुटाको पर्यटनमा समेत वद्धि गर्ने लक्ष्यका साथ उत्सवको आयोजना गरिएको आयोजक किरात राई यायोक्खा धनकुटाका कार्यबाहक अध्यक्ष प्रीथुराम राईले बताए ।
उत्घाटन समारोहमा बोल्दै खानेपानी मन्त्री राजेन्द्र कुमार राईले कला संस्कृतिको रक्षा र सम्बर्दन आजको आवश्यकता भएको बताए ।
