धनकुटामा बाँदर आतंक रोक्न वनमा रोपियो फलफुलजन्य विरुवा
धनकुटा । बाँदरले हैरानी दिएपछि धनकुटाको महालक्ष्मी ७ जितपुरका किसानहरुको सहभागीतामा वनमै बाँदर रोक्ने फलफुलजन्य विरुवाहरु रोपिएका छ ।
धनकुटाका अधिकांस किसान बाँदर पीडित बन्दै आएका छन् । बाँदरले किसानले खेतवारीमा लगाएका खेतीवाली नष्ट गर्न थालेपछि जीतपुरका किसानहरुले शर्मादेवी सामुदायीक वनमा फुलफुलजन्य विरुवाहरु रोपेका हुन् ।
जंगलमा फलफुलजन्य बोटविरुवा भए किसानको बारीसम्म बाँदर नआइपुग्ने भएकाले २ हजार विरुवा रोपिएको शब डिभिजन वन कार्यालय जीतपुरकी फरेष्टर आयुष्मा गहतराजले बताइन् ।
बाँदरले किसानले लगाएका बालीनाली नष्ट गरी सधैं समस्या पार्ने भएकाले शर्मादेवी सामुदायीक वन उपभोक्ता समुहका सदस्यहरुको सहभागीतामा वनमा अमला, बडहर, जामुन, कास्मिरी जामुन, अम्बक, चिउरी लगायतका दुई हजार विरुवा रोपेका हुन् । यो सामुदायीक बनमा अहिले उत्तिस, चिलाउने, मौवा, मलेदो लगायतका बोट विरुवा छन् ।
