धनकुटामा ६ महिना यता ५६ वटा मानव अधिकार उल्लंघनका घटना
धनकुटा,२० असार । मानब अधिकारका क्षेत्रमा कार्यरत गैरसरकारी संस्था अनौपचारिक सेवा केन्द्र इन्सेकले सन् २०२४ को जनवरी देखि हालसम्म धनकुटामा भएका मानब अधिकारका उल्लंघनका ५६ वटा घटना भएको प्रतिवेदन सार्वजनिक गरेको छ ।
यो अबधिमा धनकुटामा १ जनाको हत्या, २ जनाको हत्या प्रयास, घरेलु हिंसा ३९ वटा घटना, बलात्कारका ८ वटा घटना,बाल यौन दुव्र्यवहारका २ वटा घटना सहितका विभिन्न प्रकृतीका ५६ वटा मानव अधिकार उल्घनका घटना भएको प्रतिवेदन सार्वजनिक गरिएको छ ।
प्रतिवेदन सार्वजनिक गर्दै धनकुटा इन्सेक प्रतिनिधि इश्वर थापाले स्थानि तह, प्रदेश सरकार र संघिय सरकार र अन्य सरोकारवाला निकायले विभिन्न कार्यक्रम गरेर मानव अधिकार उल्लंघनका घटना कमी गर्न प्रयत्न गरे पनि घटनाहरु भई रहनु दुखद पक्ष रहेको बताए । त्यस्तै उद्योग वाणिज्य संघ धनकुटाका अध्यक्ष विजयसन्तोषी राईले मानब अधिकार उल्लंघन घटना रोक्नका लागी सबैको पहल कदमी हुनु पर्ने बताए ।
जिल्ला प्रहरी कार्यालय धनकुटाका प्रमुख श्यामसिंह चौधरीले मानव अधिकार उल्लंघनका घटना रोक्न प्रहरीलाई सबैको सहयोग हुनु पर्ने बताए । त्यस्तै कार्यक्रमका प्रमुख अतिथि धनकुटाका प्रमुख जिल्ला अधिकारी पुन्य विक्रम पौडेलले मानव अधिकार उल्लंघनमा संग्लग्नलाई कारबाहीको दायरामा ल्याउन प्रशासनले कुनै कसर बाँकी नराख्ने बताए ।
कार्यक्रम नेपाल पत्रकार महासंघ धनकुटाका अध्यक्ष नगेन्द्र राईको अध्यक्षतामा भएको थियो ।
