चौबिसे गाँउपालिकाको दोस्रो कार्यकालका जनप्रतिनिधिको पहिलो बर्ष यस्तो रह्यो(भिडियो सहित)
धनकुटा । पूर्वी चौबिसे गाँउपालिकाको दोस्रो कार्यकालको पहिलो वर्ष सुरुवातमा गरेका केहि नमुना र नयाँ काम नेपालको महाभारत पर्वत श्रृंखलामा अवस्थित सुन्दर पहाडी क्षेत्र हो, चौबिसे गाँउपालिका ।
कोशी प्रदेशको धनकुटा जिल्लाको दक्षिण पुर्बि क्षेत्रमा अबस्थित यो पालिका नेपाल सरकारको वि.सं. २०७३ फागुन २७ को नेपालको पुनर्संरचनाको निर्णय अनुसार साविक ७ वटा गाउँ विकास समितिलाई समेटेर स्थापना गरिएको छ ।
केहि बर्ष अघि सम्म दुर्गम क्षेत्रको रुपमा रहेको यो पालिका अहिले भने सुगममा गनिन थालेको छ । भेडेटार राजारानी रबिराँके सडकले यो पालिकाको सिरैसिर हुदै कोशी राजमार्ग संग जोड्ने काम गर्दछ । त्यस्तै तमोर करीडोरले तिरमा रहेका क्षेत्रलाई सहज बनाएको छ ।
२०७९ सालको स्थानिय तह निर्वाचन पछि अहिले यो पालिकामा गाँउपालिका प्रमुखको रुपमा राजकुमार चेम्जोङ्ग र उपप्रमुखको रुपमा टंकमाया पाङ्मी मगर हुनुहुन्छ । २०७९ साल बैसाखमा भएको सपथ ग्रहणसँगै निर्वाचित जनप्रतिनिधिको पाँच वर्षे यात्रा सुरु भएको छ ।
“शिक्षा, स्वास्थ्य, कृषि, पर्यटन हाम्रो शान,उद्यमसिल समृद्ध, सुशासित चौबिसे निर्माण हाम्रो अभियान” भन्ने नाराका साथ दोस्रो कार्यकालको पहिलो बर्षमा जनप्रतिनिधिले बिभिन्न १९ नीतिमा केन्द्रित रहेर आफ्नो योजनाको सुरुवात गरेका छन् ।
पहिलो बर्ष अर्थनीति, कषि तथा पशु सेवा नीति, शिक्षा, युवा तथा खेलकुद, पर्यटन, स्वास्थ्य, पुर्बाधार सडक, खानेपानी आदि नीतिलाई पालिकाले मुख्य प्राथमिकतामा राखेको छ । जनप्रतिनिधिको पहिलो अग्नी परिक्षा स्बरुप आर्थिक बर्ष २०७९÷८० को लागि कुल ५१ करोड ६८ लाख ५१ हजार बरावरको बजेट योजना तथा कार्यक्रमहरु गाँउसभाले पारित गर्यो । प्रत्येक बर्ष एक एक क्षेत्रलाई मुख्य प्राथमिकतामा राखेर आफ्नो बजेट, योजना तथा कार्यक्रम बनाउने तयारी अनुरुप पहिलो बर्ष यो पालिकाले शुसासनलाई मुख्य प्राथमिकतामा राखेर कार्यक्रम तय गर्यो ।
स्थानिय तहको अनुभत बिकास निर्माण सगै सेवा वाट हुनु पर्छ भन्ने मान्यताका साथ यहिलो बर्षनै पालिकाले वडा कार्यलयको सम्पर्क कार्यलय स्थापना गरी सेवा सुरु गरियो । त्यस्तै पालिकाले वडा वाटै योजना सम्झौता, बैक संगको सहकार्यमा वडा बाटै खाता खोल्न सकिने गरी कार्यक्रम अघि बढायो । अति वृद्ध, असक्त आदिलाई घर घरमै पुगेर सामाजीक सुरक्षा भत्ता बितरण गर्ने कार्यक्रम सुरु गर्यो ।
यो वृतचित्रमा हेरौ दोस्रो कार्यकालका जनप्रतिनिधि आएपछि पहिलो बर्षमा उहाँहरुको दृष्टीकोण अनुरुप सुरु गरेका कार्यहरु –
