भ्रष्टाचार विरुद्ध एकजुट हुन आम नागरिकहरुलाई नेकपा (माओवादी केन्द्र)पाख्रीबास नगर समितिको अपिल
धनकुटा ।भ्रष्टाचार विरुद्ध एकजुट हुन आम नागरिकहरुलाई नेकपा (माओवादी केन्द्र)पाख्रीबास नगर समितिले अपिल गरेको छ ।
समितिद्वारा हिजो प्रेस विज्ञप्ति सार्वजनिक गर्दै उक्त अपिल गरिएको हो ।
नगर समिति अध्यक्ष ओम प्रकाश निरौला र सचिव चिरन्जीवी राई द्वारा संयुक्त रुपमा हस्ताक्षरित उक्त विज्ञप्तिमा भनिएको छ : जनताको कर र पसीनाको दुरुपयोग भएको विषय आम नागरिकको चासोको विषय हुनु स्वभाविक हो । नगर प्रमुख र उपप्रमुख ले प्रयोग गर्ने गाडिहरुको इन्धनमा मात्रै अनावश्यक खर्च भएको छैन । लगभग मासिक १ लाख सोह्र हजार ५२० नं. को गाडिले मर्मत खर्चको नाममा विल उठाएको छ भने मासिक ८० हजारको हाराहारीमा ६६४ नं. को गाडिले बिल उठाइरहेको छ । यो खर्च सामान्य होइन ।
दैनिक अफरोडमा २०० किलोमिटर अनिवार्य गुड्ने सेकेण्ड हेण्ड गाडिहरुमा पनि यति धेरै मर्मत खर्च आउदैन यो सत्ताको चरम लुट, दुरुपयोग र भष्ट्राचार हो भन्ने हाम्रो पाटीको ठहर रहेको छ । यसको विरुद्धमा आम नागरिकहरुलाई एकजुट हुन अपिल गर्दछौ ।
यसैगरी २०७८ सालमा वडा नं. ५ का तत्कालिन वडाध्यक्षले बुझेर लगेको १०० बण्डल जस्ता पाताको विषय के हो ? भुकम्पका नाममा आएको रकमको दुरुपयोग भएको कुरा के हो ?यो विषय सम्बन्धित कार्यालयबाट सत्य तथ्य कागजातहरु हेरी सार्वजनिक गर्नका लागि नगरपालिका र वडा कार्यालयलाई यही विज्ञप्ति मार्फत अपिल गर्दछौ ।
हेर्नुहोस् प्रेस बिज्ञप्ति :
एकातिर भष्ट्राचारका फाइल खुलेपछि नेपालको राजनैतिक केन्द्रमा सरकार परिवर्तनको खेल शुरु भएको सबैलाई सर्वविदितै छ र यो एकदमै अहिलेको चर्चाको विषय बनेको छ भने अर्कोतिर पाख्रीवास नगरपालिका भित्र पनि गाडिको चरम दुरुपयोग भएको विषय अर्को चर्चाको विषय बन्न पुगेको छ । जनताको कर र पसीनाको दुरुपयोग भएको विषय आम नागरिकको चासोको विषय हुनु स्वभाविक हो । नगर प्रमुख र उपप्रमुख ले प्रयोग गर्ने गाडिहरुको इन्धनमा मात्रै अनावश्यक खर्च भएको छैन । लगभग मासिक १ लाख सोह्र हजार ५२० नं. को गाडिले मर्मत खर्चको नाममा विल उठाएको छ भने मासिक ८० हजारको हाराहारीमा ६६४ नं. को गाडिले बिल उठाइरहेको छ । यो खर्च सामान्य होइन । दैनिक अफरोडमा २०० किलोमिटर अनिवार्य गुड्ने सेकेण्ड हेण्ड गाडिहरुमा पनि यति धेरै मर्मत खर्च आउदैन यो सत्ताको चरम लुट, दुरुपयोग र भष्ट्राचार हो भन्ने हाम्रो पाटीको ठहर रहेको छ । यसको विरुद्धमा आम नागरिकहरुलाई एकजुट हुन अपिल गर्दछौ ।
यसैगरी २०७८ सालमा वडा नं. ५ का तत्कालिन वडाध्यक्षले बुझेर लगेको १०० बण्डल जस्ता पाताको विषय के हो ? भुकम्पका नाममा आएको रकमको दुरुपयोग भएको कुरा के हो ? केही मिडिया कर्मी र नागरिकले यो विषय उठान गरेकोले सम्बन्धित कार्यालयबाट सत्य तथ्य कागजातहरु हेरी सार्वजनिक गर्नका लागि नगरपालिका र वडा कार्यालयलाई यही विज्ञप्ति मार्फत अपिल गर्दछौ । साथै अन्याय, अत्याचार, भष्ट्राचारका विरुद्धमा आम नागरिकको हक हितका लागि सधै सँगै रहने प्रतिबद्धता व्यक्त गर्दछौ ।
