अपडेट : धनकुटाको महालक्ष्मी नगरपालिका वडा नं ५ मा भएको आगलागीमा परि तीन घर जले,आगो नियन्त्रणमा
धनकुटा । धनकुटाको महालक्ष्मी नगरपालिका वडा नं ५ मा भएकाे आगलागीमा परि तीन घर जलेका छन् ।
राम बजार नजिकै भएकाे आगलागीमा परि त्यहाँका स्थानिय श्रीचन बुढाथाेकी, सूर्य बहादुर श्रेष्ठ र देवीप्रसाद खड्काकाे ढुङ्गा, माटाे र जस्ता पाताले बनेकाे घर जलेर नष्ट भएकाे जिल्ला प्रहरी कार्यलय धनकुटाले जनाएकाे छ ।
प्रहरीका अनुसार अहिले आगाे पूर्णरुपमा नियन्त्रणमा लिईसकिएकाे छ । यद्यपि पूर्ण क्षतिकाे विवरण आउन बाँकी नै छ ।
यसैबीच तत्कालका लागि पीडितहरुलाई महालक्ष्मी नगरपालिकाकाे तर्फबाट राहत स्वरुप केही खाद्यान्न प्रदान गरिएकाे ५ नं वडाध्यक्ष सन्त बहादुर कुँवर क्षेत्रीले जानकारी दिनुभयाे ।
