धनकुटामा एक वर्षको अवधिमा १३ हजार भन्दा बढी सवारी साधन ट्राफिक कारवाहीमा
धनकुटा,१३ साउन । धनकुटामा एक वर्षको अवधिमा १३ हजार भन्दा बढी सवारी साधन ट्राफिक कारवाहीमा परेका छन् ।
गत आर्थिक वर्ष २०८०÷०८१ मा ट्राफिक नियम उल्लघंन गर्ने १३ हजार २१ सवारी साधनलाई कारबाही गरिएको ट्राफिक प्रहरिले जनाएको छ । जिल्ला ट्राफिक कार्यालय धनकुटाको तथ्यांक अनुसार जिल्लामा सबैभन्दा बढी ५ हजार ५ सय ३७ मोटरसाईकल, ४ हजार ७ सय ७२ जीप र कारलाई कारबाही गरिएको छ ।
त्यस्तै १ हजार १ सय ६१ ट्रक, ६सय ६८ टेम्पो, ३ सय ९५ ट्याक्टर ,३ सय ३६ बस १ सय ५१ टिपर र १ अन्य सवारीसाधन कारबाहीमा परेका जिल्ला ट्राफिक प्रहरी कार्यालय धनकुटाका प्रमुख सुरेन्द्र खड्काले जानकारी दिनुभयो ।
ट्राफिक नियम उल्लघंन गर्ने सवारी साधन कारबाहीबाट ७६ लाख ७ सय ७५ रुपैया राजस्व संकंलन भएको जिल्ला ट्राफिक प्रहरी कार्यालय धनकुटाले जनाएको छ ।
