धनकुटा इजलासमा ८४ प्रतिशत मुद्धा फर्छौट
धनकुटा,२१ साउन । धनकुटामा रहेको उच्च अदालत विराटनगर धनकुटा इजलासले आर्थिक बर्ष २०८०-०८१ मा ८४ प्रतिशत मुद्धा फर्छौट गरेको छ ।
धनकुटामा आज पत्रकार संमेलन गर्दै उच्च अदालत विराटनगर धनकुटा इजलासको कार्यक्षेत्रका धनकुटा, तेह्रथुम, भोजपुर र संखुवासभा जिल्ला अदालतमा रहेका २ हजार १ सय ८२ थान मुद्धा फर्छौट भएका छन् ।
धनकुटा जिल्ला अदालतमा रहेका ६ सय ६७ मध्ये ५ सय १० ओटा मुद्धा फर्छौट भएका छन् । तेह्रथुमले ४ सय २ मध्ये २ सय ७४ संखुवासभाले ५ सय ३९ मध्ये ४ सय १४ र भोजपुर जिल्ला अदालतले ५ सय ७४ मध्ये ४ सय ५६ मुद्धा फर्छौट गरेको उच्च अदालत धनकुटा इजलासका मुख्य न्यायाधिस गणेश बरालले जानकारी दिए ।
