धनकुटाको हिलेमा राधा कृ्ष्णको नयाँ मूर्तिको प्राणप्रतिष्ठा समुद्घाटन
धनकुटा । आज श्री कृष्ण जन्माष्टमी विभिन्न कार्यक्रम गरि मनाईदै छ । यहि अवसरमा श्री रत्न षडेश्वर मन्दिर धनकुटा १ हिले मन्दिर परिसरमा भगवान श्री राधा कृष्णको नयाँ मूर्तिको प्राणप्रतिष्ठा उद्घाटन, सन्ध्या कालिन आरतीको वार्षकाेत्सव एवं भजन किर्तनका कार्यक्रमहरु भईरहेका छन् ।
मन्दिर व्यवस्थापन समितीको आयाेजनामा सञ्चालित कार्यक्रमकाे बीच धनकुटा नगरपालिकाका प्रमुख चिन्तन तामाङ,धनकुटा नगरपालिका वडा नं १ का वडाध्यक्ष वाङ्दा तामाङ,बजार व्यवस्थापन समिती अध्यक्ष लालचन गाेङवा लगायतले भगवान श्री राधा कृ्ष्णकाे नयाँ मूर्तिकाे प्राणप्रतिष्ठा समुद्घाटन गरेका छन् ।
भगवान श्री राधा कृष्णको मूर्ति यहाँका सरस्वती प्रधानले प्रदान गर्नुभएकाे मन्दिर व्यवस्थापन समितीले जनाएको छ । अहिले मन्दिर परिसरमा भक्तजनहरुले भजन किर्तन गरिरहेका छन् ।
