पाख्रीबासमा हरितालिका तीज विशेष कार्यक्रम सम्पन्न ,पूर्वमन्त्री तथा सांसद राईले गरे उद्घाटन
धनकुटा । धनकुटाको पाख्रीबासमा हरितालिका तीज विशेष कार्यक्रम सम्पन्न भएको छ । पाख्रीबास नगरपालिकाको ३ मा स्थित सामुदायिक भवनमा कार्यक्रमको आयोजना गरिएको थियो ।
महिलाहरुको महान पर्व तीजको अवसरमा पाख्रीबास नगरपालिका वडा नं ३ ले कार्यक्रमको आयोजना गरेको हो ।
कार्यक्रममा सहभागीहरुले तीज पर्वको सांस्कृतिक र धार्मिक महत्व साथै महिला सशक्तीकरणको महत्वको बारेमा चर्चा गरेका थिए । यसै अवसरमा सहभागीहरुले तीजको परम्परागत संस्कृति जोगाइ राख्नुपर्नेमा पनि जोड दिएका थिए।
कार्यक्रममा पूर्वमन्त्री तथा सांसद राजेन्द्र कुमार राई,नेपाल कम्युनिष्ट पार्टी(एमाले) का जिल्ला अध्यक्ष शिव आंग्ला ,पाख्रीबास नगरपालिकाका उपप्रमुख नम्रता गौतम,वडा अध्यक्ष सरोज राई लगायतका नेता,कार्यकर्ता र वडाबासी महिला दिदी-बहिनीहरुको बाक्लो उपस्थिति रहेको थियो ।
सांसद राईले उद्घाटन गर्नु भएको कार्यक्रममा स्वागत,शुभकामना मन्तब्य पछि नाचगान र दर खाने कार्यक्रम राखिएको थियो ।
