धनकुटामा थालियो सामुदायिक कुकुरको बन्ध्याकरण
धनकुटा,३ असोज । धनकुटा बजार क्षेत्रका सामुदायिक कुकुरहरूको बन्ध्याकरण गर्न थालिएको छ ।
भेटेरिनरी अस्पताल तथा पशु विज्ञ केन्द्रको आयोजनामा शिविर नै संचालन गरि आज बाट सामुदायिक कुकुरहरुको बध्याकरण गर्न थालिएको भेटेरिनरी अस्पताल तथा पशु विज्ञ केन्द्र धनकुटाकी प्रमुख हिमा गौतमले जानकारी दिनु भयो ।
छाडा छोडिएका कुकुरहरू बाट रेबिज रोगको जोखिम उच्च हुने मान्छेलाई समस्या पार्ने साथै कुकुरको संख्या बढ्न रोकथामका लागि बन्ध्याकरण आज बाट असोज ७ गते सम्म शिविर नै संचालन गरेर सामुदायिक कुकुरहरूको बन्ध्याकरण गर्न थालिएको प्रमुख गौतमको भनाई छ ।
‘पशुअधिकार लाई समेत ध्यान दिदै कुकुरको संख्या बढ्न रोकथामका लागि बन्ध्याकरण गर्ने व्यवस्था मिलाएका हौं प्रमुख गौतमले भनिन्न् ।’ धनकुटामा बेलाबेला भुस्याहा कुकुरले मान्छेलाई टोकेर आतंक मच्चाउने गरेको छ । यस्तो समस्या रोकथामका लागि कुकुरको बन्ध्याकरण गरिनु उचित भएको स्थानियको भनाई समेत रहेको छ ।
