धनकुटा सदरमुकाममा वितरण गरिएको खानेपानीको मुहान क्षेत्रमा बर्षाका कारण क्षति
धनकुटा । धनकुटा सदरमुकाममा वितरण गरिएको खानेपानीको मुहान क्षेत्र सहित पाइपलाइनमा केहि दिन देखि परेको अविरल बर्षाका कारण क्षति हुंदा खानेपानीको समस्या हुने भएको छ ।
अविरल बर्षाका कारण मुहान क्षेत्रमा बाढी तथा पहिरो आएको र मुहान क्षेत्र बाट वितरण केन्द्र सम्म आएका मुख्य पाइपलाई १८० एम एम, १४० एम एम, १२५ एमएम, ११० एमएम लाइनका पाइप र मुहान तथा ट्याङ्गकीमा बाढी तथा पहिरोले क्षति गरेकोले सदरमुकाम क्षेत्रमा खानेपानी समस्या हुने भएको हो तर धनकुटा नगरपालिका खानेपानी तथा सरसफाइ उपभोक्ता समिति धनकुटाले भने पानी ल्यानका लागी मर्मतको कार्य सुरु भइ सकेको जनाएको छ ।
आज विहान बाटै खानेपानी ल्याउनका लागी मर्मतको काम सुरु भएको धनकुटा नगरपालिका खानेपानी तथा सरसफाइ उपभोक्का समिती धनकुटाका सचिव अर्जुन छराहाङ्ग राईले जानकारी दिनु भयो ।
