पाख्रिबासमा पहिरोमा परि ज्यान गुमाएकाको परिवारलाई नेपाल तामाङ घेदुङ पाख्रीबास नगर कार्य समिति धनकुटाद्वारा आर्थिक सहयोग प्रदान
धनकुटा । नेपाल तामाङ घेदुङ पाख्रीबास नगर कार्यसमिति धनकुटाले पहिरोमा परि ज्यान गुमाएका परिवारलाई रु १० हजार आर्थिक सहयोग गरेको छ ।
गत असोज ११ र १२ गते परेको अविरल पानीले पाख्रीबास नगरपालिका वडा नं ५ गुराँसेमा घरमाथिबाट पहिरो झर्दा एकै परिवारका दुईजना आमा छोरी लक्ष्मी तामाङ र आशा तामाङको मृत्यु भएको थियो ।
नेपाल तामाङ घेदुङको तर्फबाट राहत स्वरुप शनिबार रु १० हजार सहयोग गरेको नगर घेदुङले जनाएको छ । उक्त सहयोग हस्तान्तरण नेपाल तामाङ घेदुङका केन्द्रीय सदस्य विष्णु माेक्तान , घेदुङका जिल्ला सदस्य देवेन्द्र तामाङ , चन्द्रबहादुर तामाङ , नगर अध्यक्ष गजेन्द्र बम्जन,नगर उपाध्यक्ष मानवी माेक्तान , सचिव साेम तामाङ , पुर्व नगरघेदुङ अध्यक्ष जयन्द्र घिसिङ , तामाङ पत्रकार संघका जिल्ला काेषाध्यक्ष जानू तामाङ , नगर घेदुङ सदस्य एवम पुर्व वडा अध्यक्ष दल बहादुर तामाङको उपस्थितिमा मृतक परिवारका सदस्यलाई सहयोग हस्तान्तरण गरेको हो ।
सोही अवसरमा नगर घेदुङका उपाध्यक्ष मानवी तामाङ र काेषाध्यक्ष कल्पना तामाङले व्यक्तिगत दुई कार्टन फ्रुटि,४ केजी चिनी र ४ केजी आटा सहयोग गरेको थियो ।
