“चौंथो पाख्रीबास कप फुटबल-२०८१ ” को तयारी तीब्र
धनकुटा । धनकुटाको पाख्रिबास हुन गइरहेको “चौंथो पाख्रीबास कप फुटबल” सुरु हुन ४ दिन बांकी रहंदा तयारी तीब्र रुपले भइरहेको छ ।
पाख्रिबास युथ युनाइटेडको आयोजना र पाख्रीबास नगरपालिकाको सह आयोजनामा प्रतियोगिता आगामी कार्तिक ७ देखि १० गते सम्म संचालन हुंदैछ ।
प्रतियोगितामा जम्मा ८ टीमले सहभागिता जनाउने छन् ।
आयोजकले सार्बजनिक गरेको खेल तालिका अनुसार कार्तिक ७ गते समुह क अन्तर्गत श्री जोरपाटी फुटबल क्लब धनकुटा र पथरी-११ मोरंगका बीच क समूह ख अन्तर्गतका आयोजक पाख्रिबास युथ युनाइटेड र प्रकाशपुर फुटबल क्लब सुनसरीका बीच खेल हुने भएको छ ।
त्यसैगरि कार्तिक ८ गते समूह क अन्तर्गतका अल स्टार क्लब धरान र ब्रदर युनाइटेड फुटबल क्लब सिक्किमका बीच र समूह ख अन्तर्गतका मुनल्याण्ड स्पोर्टिंग क्लब झापा र बिराटनगर स्पोर्ट्स एकेडेमी मोरंगका बीच हुनेछ ।
कार्तिक ९ गते समूहगत चरणबाट छानिएर आउने ४ टीमको प्रतिष्पर्धा हुनेछ भने उपाधिका लागि प्रतियोगिताको अन्तिम खेल कार्तिक १० गते दिउंसो १ बजे हुने आयोजकले जनाएको छ ।
सबै खेलहरु श्री जालपादेबी माबि पाख्रिबासको खेल मैदानमा हुनेछन् ।
