धनकुटामा दशै पछि पनि निरन्तर अनुगमन
धनकुटा,कार्तिक ७ । धनकुटामा दशै पछि पनि अनुगमनलाई निरन्तरता दिएको छ दशै सकिए पछि पनि अखाद्य बस्तुको जोखिम बढ्न सक्ने भन्दै स्थानीय प्रशासन धनकुटाले बजार अनुगमनलाई तिब्र पारेको हो ।
घरेलु तथा साना उद्योग कार्यालाय धनकुटा आयेजानमा जिल्ला प्रशासन कार्यालय तथा खाद्य प्रविधि गुण नियन्त्रण डिभिनज कार्यालाय र राष्ट्रिय उपभोक्त संघ धनकुटाले संयुक्त रुपमा अनुगमनलाई तीब्रता दिएका हुन् । बुधबार टोलिले धनकुटामा सिधुवामा अनुगमन गरेको हो । होटल इन्धन, माछामासू, तरकारी, फलफूल लगायतका थोक तथा खुद्रा पसलमा अनुगमन गरेको छ ।
अघिल्लो बर्ष अखाद्यबस्तु अत्याधिक पाइने गरेकोमा यो बर्ष सो क्रम धेरै घटेको पाइयो । दशै अघि अनुगमन गरे पनि पुन अखाद्य बस्तुको जोखिम बढ्न थालेको धनकुटाका सहायक प्रमुख जिल्ला अधिकारी सहदेब रायमाझिले जानकारी दिनुभयो ।
अनुगमनलाई आगामी दिनमा पनि निरन्तरता दिईने घरेलु तथा साना उद्योग कार्यलय धनकुटाका सुचना अधिकारी बिकास कार्कीले जानकारी दिनुभयो ।
