“चौंथो पाख्रिबास कप फुटबल ” : मुनल्याण्ड स्पोर्टिंग क्लब झापालाई पराजित गर्दै बिराटनगर स्पोर्ट्स एकेडेमी मोरंग सेमिफाइनलमा प्रबेश
धनकुटा । स्वास्थ्यका लागि खेलकुद,राष्ट्रका लागि खेलकुद भन्ने नाराका साथ पाख्रिबासमा हिजोबाट “चौंथो पाख्रिबास कप फुटबल” सुरु भएको छ ।
आज दोस्रो खेलमा समूह “ख “अन्तर्गतका मुनल्याण्ड स्पोर्टिंग क्लब झापा र बिराटनगर स्पोर्ट्स एकेडेमी मोरंगका बीच खेल सम्पन्न भएको छ ।
खेलको निर्धारित समयमा कुनै पनि टीमबाट गोल हुन सकेन । खेललाई पेनाल्टी सुटआउटमा बिराटनगर स्पोर्ट्स एकेडेमी मोरंगले मुनल्याण्ड स्पोर्टिंग क्लब झापालाई ५-३ गोल अन्तरको जित हासिल गरेको छ ।
बिजेता बिराटनगर स्पोर्ट्स एकेडेमी मोरंगले भोलि सेमिफाइनलमा आयोजक टीम युथ युनाइटेडको सामना गर्नेछ ।
त्यस्तै आज भएको पहिलो खेल समूह “क”अन्तर्गतका अल स्टार क्लब धरान र ब्रदर युनाइटेड फुटबल क्लब सिक्किमका बीच सम्पन्न खेलमा अल स्टार क्लब धरान बिजयी भएको छ ।
निर्धारित समयमा कुनै टोलीबाट गोल नभएपछि खेल पेनाल्टी सुटआउटमा गएको थियो । पेनाल्टी सुटआउटमा ५-३ गोल अन्तरले अल स्टार क्लब धरानले बिजय प्राप्त गरेको हो ।
यो जित संगै भोलि सेमिफाइनलमा अल स्टार क्लब धरानले श्री जोरपाटी एफसीको सामना गर्नेछ ।
प्रतियोगितामा जम्मा ८ टीमले सहभागिता जनाएका थिए । उपाधिका लागि प्रतियोगिताको अन्तिम खेल कार्तिक १० हुनेछ ।
