“चौंथो पाख्रिबास कप फुटबल” : श्री जोरपाटी एफसी,धनकुटा फाइनलमा प्रबेश
धनकुटा । स्वास्थ्यका लागि खेलकुद,राष्ट्रका लागि खेलकुद भन्ने नाराका साथ पाख्रिबासमा गत कार्तिक ७ गतेबाट सुरु भएको “चौंथो पाख्रिबास कप फुटबल” को आज तेस्रो दिन सेमिफाइनल अन्तर्गतका २ खेलहरु भइरहेका छन्।
जस अन्तर्गत पहिलो खेल समूह “क” अन्तर्गतका अल स्टार क्लब धरान र श्री जोरपाटी एफसीका बीच सम्पन्न भएको छ ।
निर्धारित समय अवधिमा दुबै टीमबाट गोल हुन नसकेपछि खेललाई पेनाल्टी सुटआउट लगिएको थियो ।
पेनाल्टी सुटआउटमा श्री जोरपाटी एफसी धनकुटाले ६-५ गोल अन्तरले अल स्टार क्लब धरानलाई पराजित गर्दै फाइनलमा प्रबेश गरेको छ ।
त्यसैगरि आजै समूह “ख” बाट सेमिफाइनलमा प्रबेश गरेका बिराटनगर स्पोर्ट्स एकेडेमी मोरंग र आयोजक युथ युनाइडेटका बीच दोस्रो खेल हुनेछ ।
प्रतियोगितामा जम्मा ८ टीमले सहभागिता जनाएका थिए । उपाधिका लागि भोलि कार्तिक १० गते अन्तिम खेल हुनेछ ।
प्रतियोगितामा बिजेता टीमले नगद रु १ लाख नगद सहित ट्रफी,मेडल,प्रमाणपत्र र उप बिजेता टीमले नगद रु ५० हजार सहित ट्रफी,मेडल,प्रमाणपत्र प्राप्त गर्नेछन् ।
प्रतियोगिता पाख्रिबास युथ युनाइटेडको आयोजना र पाख्रिबास नगरपालिकाको सह-आयोजनामा संचालन भइरहेको हो ।
