“चौंथो पाख्रिबास कप फुटबल ” : उपाधिका लागि बिराटनगर स्पोर्ट्स एकेडेमी मोरंग र छथर जोरपाटी एफसी धनकुटा आज भिड्दै
धनकुटा । स्वास्थ्यका लागि खेलकुद,राष्ट्रका लागि खेलकुद भन्ने नाराका साथ पाख्रिबासमा गत कार्तिक ७ गतेबाट सुरु भएको “चौंथो पाख्रिबास कप फुटबल” आज सकिंदैछ ।
उपाधिका लागि आज बिराटनगर स्पोर्ट्स एकेडेमी मोरंग र श्री जोरपाटी एफसी धनकुटाका बीच दिनको १ बजे हुनेछ । प्रतियोगितामा जम्मा ८ टीमले सहभागिता जनाएका थिए ।
प्रतियोगिता अन्तर्गत हिजो सम्पन्न सेमिफाइनलको खेलहरुमा समूह “क” अन्तर्गतको पहिलो खेलमा श्री छथर जोरपाटी एफसी धनकुटाले अल स्टार क्लब धरानलाई पेनाल्टी सुटआउटमा ६-५ गोल अन्तरले पराजित गर्दै फाइनलमा प्रबेश गरेको हो ।
त्यसैगरि सम्पन्न सेमिफाइनलको दोस्रो खेलमा आयोजक टीम युथ युनाइटेडलाई ३-० गोल अन्तरले पराजित गर्दै बिराटनगर स्पोर्ट्स एकेडेमी मोरंग फाइनलमा प्रबेश गरेको हो ।
प्रतियोगितामा बिजेता टीमले नगद रु १ लाख नगद सहित ट्रफी,मेडल,प्रमाणपत्र र उप बिजेता टीमले नगद रु ५० हजार सहित ट्रफी,मेडल,प्रमाणपत्र प्राप्त गर्नेछन् ।
प्रतियोगिता पाख्रिबास युथ युनाइटेडको आयोजना र पाख्रिबास नगरपालिकाको सह-आयोजनामा संचालन भइरहेको हो ।
