धनकुटामा यसरी गरियो भिड नियन्त्रण,हुल तथा दंगा व्यवस्थापनको नमूना प्रदर्शन(फोटो फिचर)
धनकुटा, कार्तिक १२ गते । धनकुटामा भिड नियन्त्रण,हुल तथा दंगा व्यवस्थापनको नमूना प्रदर्शन गरिएको छ ।
जिल्ला प्रहरी कार्यालय धनकुटा र सशस्त्र प्रहरी बल नेपाल ६ नं मुख्यालय छिन्ताङ्ग, धनकुटाको संयुक्त आयोजनामा आज उक्त नमूना प्रदर्शन गरिएको हो । धनकुटा नगरपालिका वडा नं.५ स्थित टुडिखेलमा उक्त कार्यक्रम सम्पन्न गरिएको हो ।
कार्यक्रममा धनकुटा जिल्लाका प्रमुख जिल्ला अधिकारी पुण्य बिक्रम पौडेल , विशिष्ट अतिथी जिल्ला समन्वय समिति धनकुटाका प्रमुख निरेन तामाङ्ग,भिमदल सल्लेरी व्यारेक धनकुटाका प्रमुख सेनानि गणेश थापा , जिल्ला प्रहरी कार्यालय धनकुटाका प्रमुख प्रहरी उपरीक्षक श्याम सिंह चौधरीको, सशस्त्र प्रहरी बल नेपाल ६ नं.गुल्म हे.क्वा छिन्ताङ्गका सशस्त्र प्रहरी नायब उपरीक्षक मदन नाथ , राष्ट्रिय अनुसन्धान कार्यालय धनकुटाका प्रमुख अनुसन्धान अधिकृत रुद्र गुर्वछान मगर , धनकुटा नगरपालिकाका प्रमुख प्रशासकिय अधिकृत दशरथ राई लगायत विभिन्न संघसंस्थाका प्रमुख तथा प्रतिनिधिहरु,स्थानिय समेतको उपस्थिति रहेको थियो ।
कार्यक्रममा नेपाल प्रहरी र सशस्त्र प्रहरी बलको तर्फबाट छुट्टाछुट्टै भिड नियन्त्रण हुल तथा दंगा व्यवस्थापनमा प्रयोग हुने विभिन्न रचनाहरुको नमूना प्रदर्शन गरिएको थियो ।
-स्रोत :जिल्ला प्रहरी कार्यालय धनकुटाको फेसबुक
