धनकुटाबाट दशैं तिहार मनाउन गएकाहरु यसरी कर्मथलो फर्किंदै
धनकुटा । दशैं र तिहार मनाउन गाउँघर गएका सर्वसाधारण धमाधम कर्मस्थलतिर फर्किन थालेका छन् । विभिन्न पेशा, व्यवसाय र अध्ययनका लागि शहर बजार बसेकाहरु दशैं तिहार मनाए संगै गाउँघर छाडेर शहर फर्कन थालेका छन् ।
यस वर्षको दशैं र तिहार मनाउन कर्मथलो छाडेर आफ्नो जन्मघर तथा आफन्तकहाँ गएकाहरु दशैं तिहार मनाएर कर्मथलोमा फर्कन थालेका हुन् ।
दशैं, तिहार मनाएर फर्कनेहरुका कारण धनकुटा बसपार्कमा समेत भिडभाड देखिएको छ । धनकुटामा सरकारी कार्यालयहरू, अन्य संघ संस्था तथा पसल खुलेका छन् भने अधिकांश विद्यालय तथा क्याम्पस भने आउँदो आइतबार बाट खुल्दैछन् ।
