धनकुटाका विभिन्न स्थानमा १३ हजार ५ सय गाँजाका बोट नष्ट
धनकुटा । धनकुटाको विभिन्न स्थानमा प्राकृतिक रुपमा डाँडापाखामा उम्रेका र अवैध रुपमा लगाईएका करिब १३ हजार ५ सय गाँजाको बोट फाडेर प्रहरीले नष्ट गरेको छ ।
जिल्ला प्रहरी कार्यालय धनकुटाको मातहतका प्रहरी कार्यालयबाट खटिएका प्रहरी टोलिले बुधवार जिल्लाको शहिदभूमी गाउँपालिका वडा नं ३ र साँगुरीगढी गाउँपालिका वडा नं ८ मा लगाईएका गाँजाको बोट नष्ट गरेको हो ।
जिल्ला प्रहरी कार्यलय धनकुटाका अनुसार इलाका प्रहरी कार्यलय छिन्ताङ धनकुटाबाट प्रबनानि गजेन्द्र श्रेष्ठको नेतृत्वमा खटिएको प्रहरी टोलीले शहिदभूमी गाउँपालिका ३ को विभिन्न स्थानका १४ रोपनी क्षेत्रफलमा लगाईएका ११ हजार गाँजाको बोट फाडेर नष्ट गरेको छ ।
त्यस्तै इलाका प्रहरी कार्यलय भेडेटार धनकुटाबाट प्रनानि रमेश प्रधानको नेतृत्वमा खटिएको प्रहरी टोलीले साँगुरीगढी गाउँपालिका ८ मा अन्दाजी ३ रोपनी क्षेत्रफलको अन्दाजी २ हजार ५ सय गाँजाको बोट फाडेर नष्ट गरेको छ ।
