धनकुटामा लैङ्गिक हिंसा विरुद्ध १६ दिने अभियानको अवसरमा प्रभातफेरी
धनकुटा, मंसिर १० । धनकुटामा लैङ्गिक हिंसा विरुद्ध १६ दिने अभियानको अवसरमा धनकुटा नगरपालिकाले प्रभातफेरी आयोजना गरेको छ ।
सरोकारवालाहरूको उपस्थितिमा गरिएको प्रभातफेरीले धनकुटा सदरमुकामका विभिन्न स्थानहरूको परिक्रमा गरी मदनचोकमा सचेतनामूलक कार्यक्रमको आयोजना गर्दे प्रभात फेरी सम्पन्न भएको छ ।
प्रभाफेरी पछि गरिएको कार्यक्रममा बोल्दै पूर्व मन्त्री एबम् कोशी प्रदेशसभाका सांसद निरन राईले लैङ्गिकहिंसा उन्मूलनका लागि सामूहिक प्रयास आवश्यक रहेको बताए ।
त्यस्तै धनकुटा नगरपालिकाका उपप्रमुख भीमा खनालले लैङ्गिक हिंसाविरुद्धको अभियानलाई सफल बनाउन सबै नागरिकको सक्रिय सहभागिता आवश्यक रहेको बताईन ।
कार्यक्रममा विभिन्न संघसंस्था, विद्यालय, महिला समूह, युवा तथा सामाजिक अभियन्ताहरूको उपस्थिति रहेको थियो। प्रभातफेरीले समाजमा लैङ्गिक हिंसाबारे चेतना फैलाउने उद्देश्यसहित धनकुटा बजारको विभिन्न स्थानको परिक्रमा गरेको थियो। लैङ्गिक हिंसा विरुद्ध १६ दिने अभियान विश्वव्यापी रुपमा नोबेम्बर २५ देखि डिसेम्बर १० सम्म मनाइँदै आइएको छ ।
