जवरजस्ती करणी मुद्दाका फरार धनकुटाका प्रतिवादी धरानबाट पक्राउ
धनकुटा । जवरजस्ती करणी मुद्दाका फरार प्रतिवादीलाई प्रहरीले पक्राउ गरेको छ ।
जिल्ला अदालत धनकुटाको मिति २०६८।०१।२५ गतेको फैसलाले १० वर्ष कैद तोकी फरार रहेका प्रतिवादी धनकुटा नगरपालिका वडा नं ६ वस्ने वर्ष ३६ को सर्वण श्रेष्ठ भन्ने सर्वन नेवाः खड्गीलाई प्रहरीले पक्राउ गरेको हो ।
जिल्ला प्रहरी कार्यालय धनकुटाबाट प्र.ह. महेन्द्र खरेलको कमाण्डमा खटिएको प्रहरी टोलीले गोप्य सूचनाको आधारमा आज उनलाई सुनसरी धरान उपमहानगरपालिका वडा नं ५ देउरालीबाट प्रहरीले पक्राउ गरेको हो ।
पक्राउ परेका उनलाई जिल्ला अदालत धनकुटामा दाखिला गराई कारागार चलान गरिएको प्रहरीले जनाएको छ।
