सवारी ज्यान मुद्दाका फरार प्रतिवादी सहिदभूमिका एक जना पक्राउ
धनकुटा । सवारी ज्यान मुद्दाका एक फरार प्रतिवादीलाई प्रहरीले नियन्त्रणमा लिएको छ । पक्राउ पर्नेमा धनकुटाको शहिदभूमी गाउपालिका वडा नं ४ पिप्ले बस्ने बर्ष ३० का दीपराज राई रहेका छन् ।
जिल्ला प्रहरी कार्यालय धनकुटाबाट प्र.ना.नि. सरोज गेलालको कमाण्डमा खटिएको टोलिले गोप्य सूचनाको आधारमा धनकुटा नगरपालिका वडा नं ७ बाट नियन्त्रणमा लिएको प्रहरीले जनाएको छ ।
प्रहरीका अनुसार जिल्ला अदालत धनकुटाको मिती २०८१।०६।०८ गतेको फैसलाले उनलाई ०-०-१६ (१६) दिन कैद सजय तोकी फरार रहेका थिए । राईलाई आवश्यक कारवाहीको लागि जिल्ला अदालत धनकुटामा दाखिला गराई कारागार चलान गरिएको प्रहरीले जनाएको छ।
