चौबिसे गाउँपालिका अध्यक्ष र महासंघ उपाध्यक्षलाई मातृ शोक
नारायण कुमार राई,धनकुटा । चौबिसे गाउँपालिका अध्यक्ष राजकुमार चेम्जोङ्ग(लिम्बू) तथा नेपाल पत्रकार महासंघ कोशी प्रदेशकी निवर्तमान उपाध्यक्ष हिमाकुमारी चेम्जोङ्गलाई मातृ शोक परेको छ ।
स्व.कृष्णप्रसाद लिम्बूकी श्रीमती तथा अध्यक्ष÷उपाध्यक्षद्वयकी आमा धनलक्ष्मी लिम्बूको २६ गते बुधबार ८१ बर्षको उमेरमा निधन भएको हो ।
साबिक बसन्तटार गाबिस हाल चौबिसे गाउँपालिका वडा नं.८ स्थित अठारसय गाउँकी स्वर्गीय लिम्बूको सोही स्थानमा २७ गते शुक्रबार लिम्बू परम्परा अनुसार अन्तिम संकार गरिएको छ ।
स्वर्गीय लिम्बुकी छोराहरु जेठो छोरा अध्यक्ष सहित माईलो खगेन्द्रकुमार लिम्बू,कान्छो भरतकुमार लिम्बू र क्रमश छोरीहरु पार्वती लिम्बू,सरस्वती लिम्बू र हिमाकुमारी चेम्जोङ्ग(लिम्बू) रहनुभएको छ ।
स्व लिम्बूकी कान्छि छारी हिमाकुमारी चेम्जोङ्ग नेपाल पत्रकार महासंघ कोशी प्रदेशको निवर्तमान उपाध्यक्ष तथा आसन्न महासंघको निर्वाचनको महासंघको महासचिवको उमेद्धार हुनुहुन्छ ।
शोककुल परिवारका सदस्यहरु हाल अठारसय गाउँमा रहेको निजि निवासमा लिम्बू संस्कार अनुसार कर्मकाण्डमा रहनुभएको छ ।
