धनकुटाको सिधुवा बजारमा लागुऔषध नियन्त्रण तथा ओसार पसार सम्बन्धी सचेतनामूलक कार्यक्रम सम्पन्न
धनकुटा । धनकुटाको छथरजोरपाटी गाँउपालिका-६ सिधुवा बजार स्थित सामुदायिक भवनमा छथरजोरपाटी गाँउपालिका ६ वडा नं.वडा कार्यालयको आयोजनामा लागु औषध नियन्त्रण तथा ओसार पसार सम्बन्धी सचेतना मुलक कार्यक्रम सम्पन्न भएको छ ।
उक्त कार्यक्रम छथरजोरपाटी ६ नं.वडाका वडा अध्यक्ष दिपक गुरुङको अध्यक्षतामा,जिल्ला प्रशासन कार्यालय धनकुटाका प्रमुख जिल्ला अधिकारी टुवराज पोख्रेलको प्रमुख आतिथ्यता,छथरजोरपाटी गाँउपालिका अध्यक्ष छत्र बहादुर सुब्बा,उपाध्यक्ष गिता गुरुङ खेवाको बिशिष्ट आतिथ्यता,जिल्ला प्रहरी कार्यालय,धनकुटाका प्रमुख प्रहरी उपरीक्षक श्याम सिंह चौधरी,सामुदायिक वन उपभोक्ता महासंघ नेपाल जिल्ला महासंघका अध्यक्ष निल बहादुर थापा लगायत स्थानीय जनप्रतिनिधी,बुद्धिजिबि,भद्रभलादमी,शिक्षक,विद्यार्थि समेतको उपस्थिति रहेको थियो ।
कार्यक्रम्मा कार्यक्रमका प्रमुख अतिथी प्रजिअ टुवराज पोख्रेलले जिल्ला प्रशासन कार्यालय,धनकुटाबाट हुने सेवा प्रवाहा साथै धनकुटा जिल्लाको समग्र शान्ति सुरक्षा सम्बन्धी मन्तब्य राख्नु भएको थियो भने जिल्ला प्रहरी कार्यालय,धनकुटाका प्रमुख प्रहरी उपरीक्षक श्याम सिंह चौधरीले लागु औषध नियन्त्रण तथा ओसार पसार सम्बन्धी प्रस्तुतिकरण मार्फत आफ्ना मन्तब्य राख्नु भएको थियो ।
