प्रदेश उद्योग मन्त्रीसंग धनकुटा औद्योगिक ग्रामको विकासको वारेमा छलफल
धनकुटा । कोशी प्रदेश सरकारका उद्योग कृषि एवंम सहकारी मन्त्री खगेन सि हाङगाम र सोही मन्त्रालयका सचिव शरण कुमार पाण्डेसंग धनकुटा औद्योगिक ग्राम संचालन समितिका अध्यक्ष सहितको टोली वीच उद्योग,तथा कृषि विकासका विषयमा छलफल भएको छ ।
धनकुटा औद्योगिक ग्राम संचालन समितिका अध्यक्ष तिलक महल लगायतको टोलि मंत्रलायमा पुगि मंगलवार उद्योग,तथा कृषि विकासका विषयमा छलफल गरेको हो ।
छलफलमा धनकुटा उद्योग बाणिज्य संघका अध्यक्ष विजय सन्तोषी राई,घरेलु तथा साना उद्योग महासंघ धनकुटाका अध्यक्ष राजेश्वर वहादुर श्रेष्ठ,संचालन समितिका सदस्य सचिव माधव बास्कोटा,सदस्य कविता राई लगायतका प्रतिनिधिहरुले मंन्त्री हाङगाम र सचिव पाण्डे लाई औद्योगिक ग्राममा हालसम्म खानेपानी र विद्युतको आपूर्ती हुन नसक्दा उद्योगहरु संचालन हुन नसक्नुको कारण र उद्योग संचालन गर्न सहयोग गर्न माग गर्दै धनकुटाको समग्र उद्योग र कृषि क्षेत्रको विकासको लागि विशेष योजना ल्याउन माग गरे ।
मन्न्त्री हाङगाम र मन्त्रालयका सचिव पाण्डेले औद्योगिक ग्राममा अव उद्योगहरु संचालन गर्न सहयोग गर्ने, धनकुटाको समग्र कृषि र उद्योगहरुको विकासका लागि बजेटको विशेष व्यवस्था गर्ने वताएको टोलिले जनाएको छ । छलफलमा मन्त्री हाङगामका स्वकिय सचिव अशोक आङवुहाङ समेतको उपस्थिति थियो ।
कोशी प्रदेश सरकारका उद्योग कृषि एवंम सहकारी मन्त्री हाङगामले सोमवार धनकुटा औद्योगिक ग्राम स्थगत अवलोकन गनुभएको थियो ।
