भेडेटार फुड फेस्टिबलमा डेढ करोडको आर्थिक कारोबार
धनकुटा,१९ पुष । अंग्रेजी नयाँ बर्षको अवसरमा धनकुटाको भेडेटारमा सम्पन्न १२ औं फुड फेस्टिभल अर्थात खानपान महोत्सवमा डेढ करोडको कारोबार भएको छ ।
होटल एसोसिएसन भेडेटारको आयोजनामा पुस १६ गेतबाट तीन दिनसम्म सञ्चालन भएको फेस्टिभलमा डेढ करोड बराबरको कारोबार भएको हो ।
आयोजकले दुई करोड आर्थिक कारोबार हुने लक्ष्य राखे पनि डेढ करोड मात्र कारोबार भएको होटल एसोसियसन भेडेटारका अध्यक्ष तुमराज लिम्बुले जानकारी दिनुभयो ।
४० हजार बढि आन्तरिक तथा बाह्य पर्यटकहरुले अवलोकन गरिएको महोत्सबमा स्थानीय परिकार, अर्गानिक उत्पादन तथा विभिन्न सामाग्रीको प्रचारमा टेवा पुगेको आयोजकले जनाएको छ ।
महोत्सवमा भारतीय सहित विभिन्न मुलसक तथा नेपालका विभिन्न स्थान बाट पर्यटक भेडेटार आएको आयोजकले जनाएको छ ।
