पाख्रिबासमा गोरु जुधाई,महालक्ष्मीका अरुण दाहालको (लासाङ) नामको गोरु प्रथम
धनकुटा । माघे सक्रान्तिकाे अवसर पारि आज धनकुटाकाे पाख्रीवास नगरपालिका वडा नं ७ गजेभञ्ज्याङमा विभिन्न प्रतियाेगिता सञ्चालन गरिएकाे छ ।
प्रतियाेगिता अन्तर्गत गाेरु जुधाई तर्फ धनकुटाकाे महालक्ष्मी नगरपालिकाका अरुण दाहालकाे (लासाङ) नामकाे गाेरु पहिलाे भएकाे छ । त्यस्तै पाख्रीवास नगरपालिका चुम्माङकाे युनिश विश्वकर्मा काे (हाक्से) नामकाे गाेरु दाेश्राे र चुम्माङ कै राम कुमार राईकाे (माैरे) नामकाे गाेरु तेश्राे भएका छन् ।
विजेता गाेरुका धनिहरुलाई क्रमश: ३५ हजार, २० हजार र १० पुरस्कार प्रदान गरिएकाे आयाेजक प्रगतिशिल सेवा समाजले जनाएकाे छ । साेही अवसरमा डाेरी तान्ने र पञ्जा लडाई खेल पनि खेलाईएकाे छ । यी खेलका विजेताहरुलाई पनि नगद पुरस्कार प्रदान गरिएकाे छ ।
प्रगतिशिल सेवा समाजका अध्यक्ष गाेपाल विश्कर्माकाे अध्यक्ष्तामा भएकाे प्रतियाेगिता उद्घाटन कार्यक्रमलाई पूर्व मन्त्री,सांसद तथा कार्यक्रमका प्रमुख अतिथि राजेन्द्र राई, प्रदेश सांसद ईन्द्रमणी पराजुली, पाख्रीवास नगरपालिकाका उपप्रमुख नम्रता देउजा लगायतले सम्बाेधन गरेका थिए ।
