धनकुटामा प्रहरी सहायक निरीक्षक तामाङ पुष महिनाको उत्कृष्ट प्रहरी घोषित
धनकुटा । जिल्ला प्रहरी कार्यालय धनकुटाद्वारा प्रहरी सहायक निरीक्षक रबिन तामाङलाई पुष महिनाको सर्बोत्कृष्ट प्रहरी घोषित भएका छन् ।
सर्बोत्कृष्ट घोषित भएका तामाङले विभागीय मूल्य-मान्यता, आदेश- निर्देशनको पालना गरी व्यवसायिक, लगनशील र कर्तव्यनिष्ठ तवरले कर्तव्य पथमा तल्लीन रहि उच्च मनोबलका साथ आफ्नो पदीय जिम्मेवारी प्रति पूर्ण बफादार रहि पुष २५ गते जिल्ला धनकुटा, साँगुरीगढी गाँउपालिका वडा नम्बर ९ चाँदीबजार स्थितमा चाँदीबजारबाट धरान तर्फ जाँदै गरेको मोटरसाईकलहरु बिशेष सुराकीको आधारमा चेकजाँच गर्ने क्रममा प्रहरी माथि आईलाग्दा एसएलआर राईफलबाट १ राउण्ड गोली हवाई फायर गरी ६ जना मानिस, ५ वटा मोटरसाईकल सहित १२० के.जि. लागु औषध गाँजा पक्राउ गर्न निजले उल्लेखनिय भुमिका निर्वाह गरी उत्कृष्ट तथा प्रशंसनीय कार्य गरेको हुँदा इलाका प्रहरी कार्यालय छिन्ताङ धनकुटा दरबन्दी भई इलाका प्रहरी कार्यालय भेडेटार धनकुटामा कार्यरत प्रहरी सहायक निरीक्षक रबिन तामाङलाई निजले गरेको उत्कृष्ट कार्य सम्पादनको उच्च मुल्याङकन गर्दै २०८१ साल पुष महिनाको उत्कृष्ट प्रहरी (POLICE OF THE MONTH) घोषणा गरिएको हो ।
प्रहरी कर्मचारीहरुको मनोवल उच्च बनाउने तथा सम्पादित कार्यको उचित मूल्याङकन गर्दै जिल्ला प्रहरी कार्यालय धनकुटाले जिल्ला भरीका प्रहरी कर्मचारीहरु मध्येबाट प्रत्येक महिना सर्वोत्कृष्ट प्रहरी छनौट गर्दै आइरहेको छ ।
