तमु ह्युल छोंज घी गुरुङ राष्ट्रिय परिषद धनकुटाको तेश्रो अधिवेशन सम्पन्न,अध्यक्षमा निरोज गुरुङ
धनकुटा । तमु ह्युल छाेंज घी गुरुङ राष्ट्रिय परिषद धनकुटाकाे तेश्राे अधिवेशनले निराेज गुरुङकाे अध्यक्षतामा नयाँ कार्य समिती चयन गरेकाे छ ।
तमु ह्युल छाेंज घी गुरुङ परिषदका केन्द्रीय माहासचिव डम्बर गुरुङकाे प्रमुख आतिथ्यमा आज पाख्रीवासमा सम्पन्न अधिवेशनले निराेज गुरुङकाे अध्यक्षतामा १३ सदस्यिय जिल्ला कार्य समिती चयन गरेकाे हाे ।
समितीकाे वरिष्ठ उपाध्यक्ष मन बहादुर गुरुङ,उपाध्यक्षमा मीन बहादुर गुरुङ,सचिवमा टाेम गुरुङ र काेषाध्यक्षमा भिम कुमारी गुरुङ रहेका छन् ।
त्यस्तै अधिवेशनले टीका गुरुङकाे अध्यक्षतामा १३ सदस्यिय तमु ह्युल महिला समिती पनि गठन गरेकाे छ । भने गणेश गुरुङकाे अध्यक्षतामा ११ सदस्यिय तमु ह्युल युवा समिती पनि गठन गरेकाे छ ।
अधिवेशनकाे खुल्ला सत्रलाई सम्बाेधन गर्दै महासचिव गुरुङले आदिवासी जनजातिहरुकाे मुद्वा प्रति राज्य उदासिन रहेकाे बताउनु भयाे । राज्यले एकात्मक शासन लाद्न खाजेकाे भन्दै उहाँले सम्पूर्ण जनजातीहरुले आफ्नाे भाषा, सस्कार संस्कृती संरक्षणमा लाग्नु पर्ने बताउनु भयाे । साथै तमुहरुकाे अधिकारका निम्ति सम्पूर्ण तमुहरु एकथलाेमा आउनुपर्ने पनि धारणा राख्नु भयाे ।
परिषदका निवर्तमान जिल्ला अध्यक्ष श्याम गुरुङकाे अध्यक्षतामा सञ्चालित अधिवेशनमा प्रदेश अध्यक्ष हाेम बहादुर घले, पूर्व अध्यक्ष तथा पाख्रीवास नगरपालिकाका प्रमुख ज्ञान बहादुर गुरुङ लगायतले मन्तव्य राखेका थिए ।
