भुल्के खानेपानी आयोजना कार्यान्वयनका लागि निर्णायक दवावमूलक आन्दोलन गर्नु पर्छ : पूर्व मन्त्री एवं सांसद राई
धनकुटा, १५ माघ । नेकपा एमालेका केन्द्रिय सदस्य,पूर्व खानेपानी मन्त्री,जिल्ला इन्चार्ज एवं सांसद राजेन्द्र कुमार राईले रोकिएको भुल्के लिफ्ट खानेपानी आयोजना कार्यान्वयन गर्न पालिकालाई खबरदारी गरिनु पर्ने बताए ।
एमाले पाख्रिबास नगर कमिटीले आयोजना गरेको जरा केन्द्रित तीन महिने अभियानको पाख्रिबास नगर स्तरीय कार्यकर्ता भेला एवं नगर कमिटीको पुर्ण बैठकलाई आज सम्बोधन गर्दै पूर्वमन्त्री राईले यस्तो बताएका हुन् ।
भुल्के खानेपानी आयोजना संचालन हुन नसके आफु खानेपानी मन्त्री हुंदा पालिकामा खानेपानी आयोजनाको निम्ति छुटिएर आएको सम्पूर्ण बजेट आयोजनाका लागि कार्यान्वयन गर्न नसकिने प्रावधान रहेको र बजेट फ्रिज हुने राईले बताउनु भयो ।
खानेपानी मौलिक अधिकार हो,रोक्न मिल्दैन तर त्यसको लागि निर्णयक दवावमूलक आन्दोलन गर्नु पर्छ । जनताको माझमा काम गरेर नेता बन्नु पर्ने र त्यसको लागि जनप्रतिनिधिहरु लाग्नु पर्नेमा पूर्वमन्त्री राईले जोड दिए ।
कार्यक्रममा एमाले जिल्ला अध्यक्ष शिव आङ्लाले बिकासको निम्ति निधार खुम्चाउनेहरुका बिरुद्द आंधीबेहरी ल्याउनु पर्ने बताए । हाम्रो पार्टीको यस ३ महिने जरा केन्द्रित अभियानका लागि अभियान्तहरु तोकिएको साथै बिकास संगै खानेपानी जस्तो संवेदनशिल मौलिक अधिकार हनन् गर्नेहरुका बिरुद्द लाग्नु पर्ने र पाख्रीबासको खानेपानीका लागि गरिने कार्यको जिल्ला कमिटीको संधै साथ,समर्थन रहने पनि अध्यक्ष आङ्लाले बताए ।
पाख्रीबास होटल भ्यूमा भएको कार्यक्रममा एमालेका प्रदेश,जिल्ला,पालिका,वडाका नेता कार्यकर्ता सहभागि थिए । एमालेले माघदेखि चैतसम्म तीन महिनाका लागि वडा केन्द्रित अभियान सुरु गरेको हो । जरा केन्द्रित अभियान नाम दिइएको यो कार्यक्रममा सङ्गठनका कमीकमजोरीको मुल्यांकन गर्दै जनताको चासो र गुनासो बुझेर सम्बोधनको प्रयास गरिने गरिनेछ ।
पाख्रिबास नगर कमिटी अध्यक्ष शान्तिराम गौतमको अध्यक्षतामा सम्पन्न कार्यक्रमलाई सचिव सिताराम राईले संचालन गरेका थिए ।
