धनकुटाको भीरगाउमाा किसान महासंघको नयाँ कार्य समिती गठन,अग्रजलाई सम्मान
धनकुटा । धनकुटा नगरपालिका २ भीरगाउमा नेपाल किसान महासंघको वडा अधिवेशन सम्पन्न भएको छ । महासंघका २ नं वडाको जिवर्तमान सभापती राज कुमार राईको अध्यक्षतामा सम्पन्न महाधिवेशनबाट प्रेम वहादुर खड्को अध्यक्षतामा नयाँ कार्य समिती चयन गरिएको छ । नव गठित समितीको उपाध्यक्षमा कमल वहादुर राई,सचिव संगिता कार्की रहेका छन् ।
अन्य सदस्यहरुमा अर्जुन राई, बुनुमाया राई,निर्मला वस्नेत,सुजन राई र देवेन्द्र राई रहेको नेपाल किसान महासंघ धनकुटाका अध्यक्ष दिल कुमार राईले जानकारी दिनु भयो । अधिवेशनको उद्घाटन गर्दै नेपाली कांग्रेस धनकुटाका जिल्ला सचिव विजय सन्तोषी राईले कृषि क्षेत्रको विकास नै देश विकासका लागि एक मुख्य आधार भएको बताउनु भयो । उहाँले किसानहरुको जीवन स्तर उकास्न नसके मुलुक समृद्धी हुन नसक्ने धारणा राख्नुभयो ।
अधिवेशनमा नेपाल किसान महासंघ धनकुटाका जिल्ला अध्यक्ष दिल कुमार राई,नेपाली कांग्रेस धनकुटा नगर कार्य समितिका सभापती अभिषेक कर्माचार्य ,धनकुटा नगरपालिकाका कार्यपालिका सदस्य मञ्जु कार्की, नेपाल तरुण दल भीरगाउका अध्यक्ष हर्क राई लगायतले शुभ कामना मन्तव्य राखेका थिएा । उनिहरुले नेपाल कृषि प्रधान देश भएकाले नया ढंगबाट कृषि क्षेत्रको विकास गर्नु पर्नेमा जोड दिए ।
अधिवेशनको अवसरमा त्यहाँका अग्रज तथा जेष्ट अभिभावकहरु रण कुमारी भट्टराई,अप्पसरा भट्टराई,लोक वहादुर भट्टराई हस्तमाया राई,कृतिमान भट्टराई,मान वहादुर भट्टराई,कृष्ण खड्का,हमेन्द्र खड्का लगायतलाई खादा लगाई सम्मान गरिएको थियोे ।
सो अवसर नेपाल किसान महासंघ धनुटाका अध्यक्ष दिल कुमार राईले नेपाल किसान महासंघको विधान र झण्डा नवनिर्वाचित वडा सभापती प्रेम खड्कालाई प्रदान गर्नु भयो ।
