रास्वपा पाख्रीबासले गर्यो वडा नं ७ मा थापाको सभापतित्वमा वडा समिती गठन
धनकुटा,१७ फागुन । धनकुटाको पाख्रीबास नगरपालिकामा राष्ट्रिय स्वतन्त्र पार्टी (रास्वपा) ले आफ्नो वडा समिति गठनलाई तीब्रता दिएको छ ।
यसै क्रममा आज पाख्रीबास नपा ७ नं वडामा रास्वपाको वडा तदर्थ समिति गठन भएको छ ।
भेलाले राम बहादुर थापाको सभापतित्वमा ११ सदस्यीय तदर्थ समिति गठन गरेको हो ।
समितिको उप सभापतिमा रेनु तामांग, सचिव मोहन थापा,सहसचिव अनिशा राय र सदस्यहरुमा भक्त बहादुर राउत,मोहन कुमार राउत,दुर्गा बहादुर तामांग,मेहर मान कार्की,चन्द्र बुढाथोकी,हिरा थापा र मनिशा खत्री चयन गरिएको रास्वपा पाख्रीबास नगरपालिका संगठन विभाग प्रमुख बिष्णु बिक्रम निरौलाले जानकारी दिए ।
नव गठित समितिलाई रास्वपा कोशी प्रदेश सदस्य दिपक गुरागाईले शपथ ग्रहण गराएका थिए ।
कार्यक्रममा रास्वपा धनकुटा जिल्ला समितीका अध्यक्ष बालानन्द दाहाल, सह सचिव भुवन थापा, सदस्य रुद्र राउत र पाख्रीबास नगर समितीका सभापति मणि कुमार भुजेल, सचिव बिदुर न्यौपाने साथै धनपा नगर सदस्य सौगात दाहाल लगायतका पदाधिकारीहरुको उपस्थिति रहेको थियो ।
यस अघि रास्वपाले वडा नं ४ र १० मा आफ्नो वडा तदर्थ समिति गठन गरि सकेको छ ।
