नेकपा एमाले छथर जोरपाटीको अध्यक्षमा चन्द्र सुब्बा सर्वसम्मत
नारायण कुमार राई/धनकुटा, १८ फागुन । नेकपा एमाले छथरजोरपाटी गाउँपालिका धनकुटाको दोस्रो अधिवेशन सम्पन्न भएको छ । अधिवेशनबाट चन्द्र सुब्बाको अध्यक्षतामा ५५ सदस्यीय नयाँ गाउँकमिटी सर्वसम्मत निर्वाचित भएको छ ।
अधिवेशनबाट सुब्बा सहित उपाध्यक्ष महेन्द्र थापा , सचिव ओमबाबु थापा, उपसचिव लक्ष्मी लिम्बु, उपसचिव चन्द्र लिम्बु निर्वाचित हुनुभएको छ ।
अधिवेशनको उद्घाटन नेकपा एमालेका केन्द्रीय सदस्य तथा पुर्व खानेपानी मन्त्री राजेन्द्र कुमार राईले गर्नुभएको थियो ।
नवनिर्वाचित गाउँकमिटीलाई मन्त्री राई सहित पार्टीका प्रदेश उपाध्यक्ष टिकाराम चेम्जोङ,जिल्ला पार्टी अध्यक्ष शिब आङ्ला लिम्बू लगाएत पाटीका नेताहरुले शुभकामना दिनुभएको थियो ।
यस संगै धनकुटा जिल्लामा नेकपा एमालेको ६ वटा पालिकाको अधिवेशन सम्पन्न भएको प्रेस चौतारी नेपालका केन्द्रिय अनुशासन बिभागकी सदस्य मानवी मोक्तानले जानकारी दिनुभयो ।
