नेकपा एमाले पाख्रिबास ६ नं वडा कमिटी अध्यक्षमा तामांग
धनकुटा,५ चैत । नेपाल कम्युनिष्ट पार्टी(एमाले) धनकुटाको पाख्रिबास नगरपालिका वडा नम्बर ६ को दोस्रो वडा अधिवेशन सम्पन्न भएको छ ।
अधिवेशनबाट पदम बहादुर तामांगको अध्यक्षतामा २५ सदस्यीय नयाँ वडा कमिटी सर्वसम्मत निर्वाचित भएको छ ।
अधिवेशनबाट तामांग सहित उपाध्यक्षमा बेल बहादुर कटुवाल,सचिव हिम बहादुर कटुवाल ,उपसचिवद्वयमा हिमतारा तामांग र रुद्र प्रसाद राई निर्वाचित हुनु भएको छ ।
नव निर्वाचित पदाधिकारीहरुलाई एमाले कोशी प्रदेश सदस्य तथा पाख्रिबास नपा इन्चार्ज खण्डमान राईले सपथ गराउनु भएको थियो ।
कार्यक्रममा जिल्ला कमिटी सचिवालय सदस्य हरु तथा नपाका पदाधिकारीहरु साथै स्थानिय वडाबासीको उपस्थिति रहेको थियो ।
