चौथो डाँडाबजार गोल्डकप हुने
धनकुटा । धनकुटाको साँगुरीगढीमा बैशाख १७ गते बाट चौथो डाँडाबजार गोल्डकप हुने भएको छ ।
डाँडाबजार फुटबल क्लवको आयोजना, साँगुरीगढी गाउँपालिकाको सहयोग र जंगबहादुर थापा स्मृतीकोष तथा डाँडाबजार ब्रदरहुडको प्रयोजनमा प्रतियोगिता हुने भएको हो । ‘डाँडाबजारको सान ः खेलकुद तथा पर्यटन’ बाट पहिचान भन्ने नारकाका साथ प्रतियोगि हुने भएको छ ।
प्रतियोगितामा धनकुटा सहित सुनसरी र मोरङ्गका आठ टिम बिच प्रतिस्पर्धा हुने आयोजक संस्थाका अध्यक्ष राजकुमार थेगिम लिम्बुले जानकारी दिए ।
विजेता टोलीले नगद ३ लाख उपविजेता टोलीले २ लाख ५५ हजार नगद सहित दुबै टोलीले मेडल र प्रमाणपत्र प्राप्त गर्ने छन् । प्रतियोगिता बैसाख २० गते सम्पन्न हुने आयोजकले जनाएको छ ।
